الشروط

آخر تحديث: ١٩ سبتمبر ٢٠٢٦

اللي بتشتريه

انت بتشتري رخصة استخدام، مش البرنامج نفسه. الرخصة شخصية، وبتسمحلك تستخدم الأداة على عدد الأجهزة المكتوب في الباقة اللي اشتريتها.

اللي مش مسموح

• تبيع المفتاح أو تديه لحد تاني.
• تحاول تفك تشفير المكتبة أو تستخرج محتواها بره الأداة.
• تعيد توزيع الأداة أو أي جزء منها.

المفتاح اللي بيتشارك بيتلغي.

المكتبة

الأصول اللي جوه المكتبة (خطوط، أصوات، قوالب) مرخّصة لك للاستخدام في شغلك، تجاري أو شخصي. مش مرخّصة عشان تبيعها هي نفسها أو تحطها في مكتبة تانية.

كل أصل وترخيصه الأصلي مكتوبين جوه الأداة.

الذكاء الاصطناعي

محرك الترجمة بيشتغل على جهازك. الصوت بتاعك مبيتبعتش لأي سيرفر، لا بتاعنا ولا بتاع غيرنا. لو ظبّطت مزوّد خارجي من الإعدادات بنفسك، ساعتها بتتعامل مع شروطه هو.

الضمان

الأداة بتتباع “زي ما هي”. بنحاول تشتغل على كل جهاز لكن مقدرش نضمن ده على كل تركيبة ويندوز أو ماك وكل نسخة من بريمير. لو مشتغلتش عندك، ارجّعلك.

التغيير

لو غيّرنا الشروط دي، التاريخ اللي فوق بيتغير. التغيير مبيسريش بأثر رجعي على رخصة اشتريتها قبله.