الخصوصية

آخر تحديث: ١٩ سبتمبر ٢٠٢٦

اللي بنحتفظ بيه

عشان الطلب: إيميلك، والاسم لو كتبته، والباقة والمبلغ، ورقم العملية لو بعتّه. ده اللي بيخلينا نعرف نديك المفتاح ونرجّعلك فلوسك لو طلبت.

عشان الترخيص: لما تفعّل المفتاح من جوه اللوحة، بنسجّل معرّف الجهاز — وهو بصمة مبنية من اسم الجهاز واسم المستخدم والنظام، مش البيانات نفسها. ده عشان نعد الأجهزة وبس.

اللي مش بنشوفه خالص

الصوت والفيديو بتاعك. محرك الترجمة بيشتغل على جهازك. مفيش ملف بيترفع.
مشاريعك. اللوحة بتقرا المشروع المفتوح عندك عشان تشتغل عليه، والقراءة دي مبتخرجش من الجهاز.
تفاصيل الدفع. التحويل بيحصل بين بنكك وبنكنا. مفيش رقم كارت بيعدّي علينا.

ملف السجل

اللوحة بتكتب سجل محلي على جهازك للمساعدة في حل المشاكل. مبيتبعتش تلقائيًا. انت اللي بتبعته لو حبيت.

الكوكيز

الموقع مبيحطش كوكيز تتبّع ولا analytics. اللي بنحفظه في المتصفح حاجة واحدة: اختيارك للمظهر (فاتح/غامق)، وهو محفوظ عندك ومبيوصلناش.

حقوقك

تقدر تطلب نسخة من بياناتك أو مسحها: support@genius.app. مسح الحساب بيلغي التراخيص المربوطة بيه.